प्रकाशाचा शोध ॥ मी स्वप्नाची क्षितिजे पाहिली, नव्या उमेदीची आस धरून, मर्म उलगडून रात्र काजव्यांची, निघाले काळोख हासडून. नव्हता सोबतीला चंद्र चांदणा, नाही दिव्यांची ही रोषणाई, स्वयंम प्रकाशाच्या त्या इवल्या ज्योती, दावित होत्या मजला नवी दिशा ही. जगाच्या या अथांग पसाऱ्यात, स्वतःचे अस्तित्व शोधायचे होते, झळाळणाऱ्या त्या क्षितिजापाशी, मज आभाळ कवेत घ्यायचे होते. जरी मार्ग हा काट्याकुट्यांचा, अन् सोसावा लागे वादळी वारा, तरी काजव्यांच्या त्या थव्यांमधे, उमजला मला जगण्याचा धारा. आता भीती नाही त्या घनघोर रात्रीची, ना चिंता वाटे भविष्याची, क्रांतीच्या या थोर विचारांत, मिळाली मला गुरुकिल्ली प्रकाशाची.